ყოველდღიური ცხოვრება
აქ გაეცნობით საქართველოში ყოველდღიური ცხოვრებისთვის გამოსადეგ ინფორმაციას, რომელიც დაგეხმარებათ, თუ საცხოვრებლად გადმოსვლას გადაწყვეტთ.
ტრანსპორტი
თბილისში ჩამოსვლის და ქალაქში გადაადგილების რამდენიმე საშუალება არსებობს.
აეროტოპორტიდანქალაქშიგადაადგილება
თბილისის საერთაშორისო აეროპორტიდან თბილისის სადგურის მოედნამდე (რკინიგზის ვაგზალი) მოძრაობს ავტობუსი N37, რომელიც გაივლის ქალაქის ცენტრს. N37 ავტობუსი მოძრაობს კვირაში 7 დღე, დღეში 24 საათის განმავლობაში და გადის ყოველ ნახევარ საათში აეროპორტის გამგზავრების ტერმინალის წინ მდებარე გაჩერებიდან. მგზავრობის ღირებულებაა 50 თეთრი.
ქალაქისავტობუსები
საზოგადოებრივი ავტობუსები გადაადგილდებიან მთელს ქალაქში. მგზავრობის ღირებულებაა 50 თეთრი. მგზავრობის საფასურის გადახდა ხდება ბილეთის ან სამგზავრო ბარათის - „მეტრომანის“ მეშვეობით. ბილეთი შეგიძლიათ შეიძინოთ ავტობუსში ასვლის შემდეგ სპეციალური აპარატიდან, ხოლო მეტრომანი - ქალაქის მეტროს ნებისმიერ სადგურში. ავტობუსები ქალაქში გადაადგილდებიან დილის 7-დან ღამის 12 საათამდე, თუმცა გამთენიისას და გვიან ღამით ნაკლები სიხშირით მოძრაობენ. ქუჩაში ავტობუსით სარგებლობა შესაძლებელია ავტობუსის გაჩერებებზე.
მიკროავტობუსები
ყვითელი მიკრო ავტობუსები („მარშუტკა“) გადაადგილდებიან ქალაქში. მგზავრობა ღირს 80 თეთრი. მგზავრობის საფასურს იხდით პირდაპირ მძღოლთან ან „მეტრომანის“ მეშვეობით. მიკრო ავტობუსებს არ აქვთ ფიქსირებული გაჩერების ადგილი, შესაბამისად, მათი გაჩერება შეგიძლიათ ნებისმიერ ადგილას. გამონაკლისს წარმოადგენს ქალაქის ცენტრი, მაგალითად რუსთაველისა და ჭავჭავაძის გამზირი, სადაც მიკრო ავტობუსები ჩერდებიან მხოლოდ გაჩერებებზე. გაჩერება შესაძლებელია მძღოლისთვის წინასწარ მიმართვით. მიკრო ავტობუსები ქალაქში გადაადგილდებიან დილის 7-დან ღამის 12 საათამდე, თუმცა გამთენიისას და გვიან ღამით ნაკლები სიხშირით მოძრაობენ.
მეტრო
თბილისში ფუნქციონირებს მეტრო, რომელსაც აქვს ორი ხაზი და 23 სადგური. მეტრო მუშაობს დილის 6-დან ღამის 12 საათამდე. მგზავრობის ღირებულებაა 50 თეთრი, რომლის გადახდაც შესაძლებელია მხოლოდ „მეტრომანის“ საშუალებით.
მეტრომანი
მეტრომანის ბარათი არის საზოგადოებრივ ტრანსპორტში (მეტრო, ავტობუსი, მიკრო ავტობუსი) გზავრობის ღირებულების გადახდის უნივერსალური საშუალება. მისი შეძენა შესაძლებელია მეტროს სადგურებში ორ ლარად.
მეტრომანზე მოქმედებს ფასდაკლება. დღის განმავლობაში მეტროში ან ავტობუსში მეტრომანით პირველი მგზავრობა ღირს 50 თეთრი, ხოლო მომდევნო საათნახევრის განმავლობაში განმეორებით მგზავრობა არის უფასო.
დამატებითი ინფორმაცია იხილეთ აქ
საქალაქთაშორისო მგზავრობა შესაძლებელია ავტობუსით/მიკრო ავტობუსით, მატარებლით ან მანქანით/ტაქსით.
თბილისში არის ორი მთავარი ავტოსადგური დიდუბე და ორთაჭალა. ამ სადგურებიდან ავტობუსები და მიკრო ავტობუსები გადაადგილდებიან საქართველოს სხვადასხვა რეგიონის, ასევე მეზობელი ქვეყნების მიმართულებით. ორთაჭალის სადგურიდან ტრანსპორტი მოძრაობს დასავლეთ საქართველოს, ხოლო დიდუბის სადგურიდან - აღმოსავლეთ საქართველს მიმართულებით.
რეგიონებში გადაადგილების ყველაზე მარტივი საშუალებაა მატარებელი. მატარებლების განრიგის ნახვა და ბილეთების შეძენა შესაძლებელია ონლაინ. მთავარი რკინიგზის სადგური მდგებარეობს სადგურის მოედანზე ქალაქის ცენტრთან ახლოს.
ქალაქში გადაადგილების ერთ-ერთი საუკეთესო საშუალება არის ტაქსი, რადგან მათი გაჩერება შეიძლება თითქმის ყველგან. როგორც წესი, ტაქსები მგზავრებს ელოდებიან აეროპორტების, რკინიგზისა და ავტობუსის სადგურების, დიდი სასტუმროების და სხვა მსგავსი ადგილების წინ.
ტაქსი შეგიძლიათ გააჩეროთ პირდაპირ ქუჩაში, გამოიძახოთ ტელეფონზე დარეკვით ან მობილური აპლიკაციით.
საქართველოში მოქმედებს ტაქსების რამდენიმე კომპანია:
კომუნიკაცია
საქართველოს ფოსტა არის ქვეყანაში მოქმედი მთავარი ეროვნული ოპერატორი, რომელიც მომხმარებლებს სთავაზობს უნივერსალურ საფოსტო სერვისებს.
საქართველოში ასევე შეგიძლიათ ისარგებლოთ საერთაშორისო კომპანიების საფოსტო და გადამზიდი მომსახურებით.
საქართველოში ფუნქციონირებს სამი მთავარი მობილური და ინტერნეტ სერვისების მომწოდებელი კომპანია: მაგთი, ჯეოსელი (სილქნეტი) და ბილაინი.
თბილისს აქვს უფასო უკაბელო ინტერნეტი “Tbilisi Loves You,” რომელიც ხელმისაწვდომია თბილისის საერთაშორისო აეროპორტის მთელს ტერიტორიაზე, ასევე ქალაქის ყველა ცენტრალურ უბანში.
საჯაროდაელექტრონულისერვისები
სახელმწიფოსთან ურთიერთობა და საჯარო სერვისებზე წვდომა საქართველოში ძალიან მარტივია. ქვეყნის მასშტაბით სხვადასხვა საჯარო სერვისის მისაღებად ეწვიეთ:
საბანკომომსახურებადავალუტა
საქართველოში გადახდის ერთადერთი კანონიერი საშუალება არის ლარი.
- ვალუტის კურსი შეგიძლიათ შეამოწმოთ საქართველოს ეროვნული ბანკის National Bank of Georgia
ვალუტის გადაცლა შესაძლებელია ბანკებსა და ვალუტის გადამცვლელ ჯიხურებში, რომლებიც მრავლადაა აეროპორტებში, ქალაქის ცენტრებსა და სადგურებზე. ქვეყნის მთელს ტერიტორიაზე, ასევე, ხელმისაწვდომია ბანკომატები.
გადაუდებელიდახმარება
უბედური შემთხვევის, საფრთხის ან ჯანმრთელობის მდგომარეობის გაუარესების შემთხვევაში უნდა დარეკოთ გადაუდებელი დახმარების ცენტრში - 112 (ნომერი 1-1-2) ოპერატორი, ზარის მიზეზის შესაბამისად, გადაგამისამართებთ შესაბამის სამსახურთან:
- პოლიცია;
- სახანძრო/სამაშველო სამსახური;
- სასწრაფო სამედიცინო დახმარება.
112 გადაუდებელი დახმარების შესახებ ზარებს იღებს მთელი ქვეყნის მასშტაბით 24 საათის განმავლობაში, კვირაში 7 დღე. ზარი უფასოა და დარეკვა შესაძლებელია იმ შემთხვევაშიც კი, თუ თქვენი ტელეფონი ორმხრივადაა გათიშული ან მობილურ ტელეფონში არ დევს სიმ-ბარათი.